பாஸ்போர்ட் குறைகள் தீர்க்க
Tuesday, 10 July , 2007, 10:52

சென்னைபாஸ்போர்ட் குறைகளைத் தீர்க்கும் பொருட்டு, பாஸ்போர்ட் குறைதீர்க்கும் நாள் ஒன்றை ஜூலை மாதம் நடத்தச் சென்னை மண்டல பாஸ்போர்ட் அலுவலகம் ஏற்பாடு செய்துள்ளது. இதற்கான தேதி, நேரம், இடம் ஆகியவை விரைவில் அறிவிக்கப்படும் என்று மண்டல பாஸ்போர்ட் அலுவலர் திருமதி சுமதி ரவிச்சந்திரன் தெரிவித்துள்ளார். கடந்த 01.01.2005 முதல் 31.12.2006 வரையிலான காலத்தில் விண்ணப்பிக்கப்பட்டுள்ள பாஸ்போர்ட்டுகள் விண்ணப்பத்தில் குறைபாடுகள், கூடுதல் சான்றிதழ் மற்றும் தகவல் தேவைப்படுதல் மற்றும் காவல் துறை சான்றிதழ் குறித்த பல்வேறு காரணங்களால் வழங்கப்படாமல் உள்ளன. இத்தகைய குறைகளைத் தீர்த்து, விரைவாக பாஸ்போர்ட் வழங்கும் பொருட்டு இந்த பாஸ்போர்ட் குறைதீர்க்கும் நாள் நிகழ்ச்சிக்கு ஏற்பாடு செய்யப்பட்டுள்ளது. இந்தக் குறைதீர்க்கும் நாளில் கலந்துகொள்ள விரும்பும் விண்ணப்பதாரர்கள் கீழ்காணும் தகவல்கள் அடங்கிய விண்ணப்பத்தை ஒரு தபால் அட்டையில் எழுதி ஜூலை 15ஆம் தேதிக்குள் சென்னை பாஸ்போர்ட் அலுவலகத்திற்கு அனுப்பி வைக்கலாம்.பாஸ்போர்ட் அதாலத் ஜுலை 2007 - விண்ணப்பம்விண்ணப்பதாரர் பெயர் :கோப்பு/குறிப்பு எண் :குறைபாடு விவரம் :கோப்பு குறிப்பு எண் தெரியாதவர்கள், டிமாண்ட் டிராப்ட் தேதி மற்றும் பதிவுத் தபால் எண்ணைக் குறிப்பிடலாம். விண்ணப்பங்களை மின்னஞ்சல் மூலமாகவும் (இ-மெயில்) அனுப்பலாம். இதற்கான மின்னஞ்சல் முகவரி: rpomasadmn@tn.nic.in
link ; http://tamil.sify.com